Dërguar nga:

CITOMEGALOVIRUSI (CMV) NE SHTATZANI

Te pergjithshme

Citomegalovirusi (CMV) i perket familjes se herpesviruseve. Ai eshte nje virus me AND dhe eshte virus i zakonshem i cili mund te infektoj kedo. Shume njerez nuk e dine qe e kane virusin dhe rrallehere mund te shkaktoj problem tek njerezit e shendetshem. Ne grate shtatzane dhe ne njerezit me nje imunitet te dobesuar mund te shkaktoj probleme. Grate qe zhvillojne nje infeksion aktiv nga CMV gjate shtatzanise mund t’ja kalojne virusin bebit, i cili mund te paraqes simptoma. CMV perhapet nga nje person tek tjetri permes lengjeve te trupit si gjaku, peshtyma, urina, sperma dhe qumeshti i gjirit. Nje person e transmeton virusin vetem kur eshte aktiv ( kur e merr virusin per here te pare ose kur virusi riaktivizohet per shkak te nje imuniteti te dobesuar).

Grate shtatzane

Grate shtatzane te shendosha nuk kane nje risk te vecante per infeksione nga CMV. Shtatzanet te cilat jane te infektuara rralle kane simptoma por zhvillimi i femijes se tyre mund te jete ne risk per semundje kongenitale nga CMV. Transmetimi nga nena tek femija eshte 30-50 %. Nga bebet e infektuara vetem 10-15 % tregojne shenja te nje infeksioni kongenital nga CMV pas infektimit primar amtar. Infeksioni kongenital nga CMV eshte rreth 0.2-2.5 %.

Shenjat dhe simptomat
  • Infeksioni primar me CMV mund te shkaktoj temperature me origjine te panjohur. Simptomat behen te dukshme 9-60 dite pas infeksionit primar.
  • Faringiti mund te jete prezent.
  • Ekzaminimi i mushkerive ve ne dukje rale krepitante.
  • Spleni dhe limfonodulat mund te zmadhohen keshtu qe CMV perfshihet ne diagnozen diferenciale te patologjive te cilat shkaktojne limfadenopati.

Pjesa me e madhe e te rriturve te shendetshem, duke perfshire dhe grate shtatzane nuk kane simptoma. Te tjerat mund te kene : temperature, dhimbje fyti, lodhje, gjendra te zmadhuara, dhimbje te muskujve, humbje oreksi, ngrirje te artikulacioneve.

Shenjat tek femijet

Ne femijet e palindur, CMV mund te coj ne anomali qe shikohen ne ekografi ne periudhen antenatale.

Shume nuk tregojne asnje shenje te CMV ne lindje dhe nuk kane probleme ne vazhdim.

Nese dyshohet per te porsalindur te prekur me CMV do te behen testet perkatese. Testet qe perfshihen jane : testet e gjakut, te peshtymes, te urines, ekografi dhe testi i degjimit. Femija do te kete me shume teste mbi moshen 12 vjecare per tu siguruar qe nuk ka asnje problem si psh: EKG per te pare qe zemra eshte ne rregull.

1 ne 10-15 femije te lindur me CMV kane simptoma si psh : mikrocefali (koke e vogel), njolla te kuqe te vogla (petekie), ikter, melci dhe shpretke e zmadhuar, humbje degjimi, depozita te kalciumit ne tru. Ne disa femije mund te coje ne probleme te zhvillimit si psh: demtime fizike, konvulsione, crregullime te vemendjes, hiperaktivitet, autizem, demtime shikimi.

Diagnoza

Ne pacientet me CMV te dyshuar behen testet serologjike (antikorpet IgG dhe IgM).

Ne fazen akute IgM positive dhe IgG negative. IgM mund te qendrojne positive deri ne 9-12 muaj pas infeksionit akut.

Testi i aviditetit IgG mund te jete shume i nevojshem per diagnozen diferenciale ndermjet nje infeksioni akut dhe kronik. Ne format akute aviditeti i antikorpeve IgG eshte i ulet dhe format rekurente ose infeksione te aktivizuara aviditeti i antikorpeve IgG eshte i larte.

Diagnoza e infeksioneve kongenitale

Testi me i mire per diagnozen kongenitale eshte detektimi i virusit ne lengun amniotik me kulture ose PCR. Amniocenteza vlereson 12 nga 13 femije me infeksion kongenital.

Ekografia ka vlere ne vleresimin e problemeve fetale. Gjetjet ekografike jane : placentomegali, IUGR, mikrocefali, ventrikulomegali, kalcifikime periventrikulare, efuzione seroze te izoluara dhe zona ekogenike.

Menaxhimi

Tre tipet e reduktimit te ekspozimit ndaj burimeve me te shpeshta te infeksionit jane:

  1. Mos ndaj ushqim, pije, produktet dhe mjetet e ngrenies me te rinjte dhe vecanerisht me femijet e vegjel.
  2. Mos puth ne buze ose perreth saj femijet e vegjel.
  3. Laj duart pasi bie ne kontakt me bebelinat, hundet qe rrjedhin dhe sekrecionet orale.

Njerezit e shendetshem te cilet jane te infektuar me CMV por qe nuk kane simptoma zakonisht nuk kerkojne trajtim medikamentoz.

Trajtimi antiviral perdoret vetem ne individet me imunitet te kompromentuar te cilet kane infeksione te syrit dhe semundje kercenuese per jeten.

Nuk ka vaksine per te parandaluar infeksionin nga CMV.

Ky artikull është dërguar nga:
Ky artikull është lexuar 1129 herë.
Komente nga lexuesit

Pershendetje, Artikulli eshte mjafte i qellur dhe domethenes per nje grua te re qe deshiron te behet nene. Por jane dy gjera qe nuk jane sçaruar. E para, a eshte mire qe çdo grua te beje testin per CMV para se te filloj shtatzenine dhe a praktikohet kjo, dhe E dyta, ne artikull behet fjale vetem per infeksionin ne kohen e shtatzanise, nuk jepet nje sçarim per gruan qe deshiron te mbetet shtatzen, e cila ka nje titer negativ te IgM, ndersa titer te lart te IgG per CMV. Pra çfare domethenje ka per nje grau te re qe deshiron te mbetet shatzen nese ka IgM per cmv negativ, ndersa IgG per cmv te larte, a ka rrezik te mbetet shtatzane nje grua me titer te larte te IgG per CMV. Paraprkisht ju falenderoj. Hakifi.

Dërguar nga Hakifi, më 26 Gusht 2020 në 18:34

Pershendetje Hakif! Perpara se te fillosh nje shtatzani te re eshte ideale qe te besh nje konsulte paraprake dhe qe keto teste midis te cilave dhe citomegalovirusi te vleresohen.Ne kushte te tjera,kur nuk eshte bere konsulte perpara shtatzanise, keto teste duhet te behen brenda tremujorit te pare te shtatzanise.Ne rastin kur gruaja perpara se te mbeti shtatzane ka nje IgM negative dhe nje IgG pozitive per CMV ky nuk eshte nje problem.Tregon qe gruaja e ka kaluar infeksionin me perpara dhe aktualisht nuk ka infeksion qe mund te ndikoj tek shtatzania.Te pershendes

Përgjigje nga Dr. Ilda Ndreko, më 27 Gusht 2020 në 18:34

Pershendetje. Kam bere analizen Torch dhe rezultatet jane: Cmv igg pozitive Cmv igm negative Rubella igm negative Rubella igg pozitive Toxo igg negative Toxo igm negative Si mendon se me ka fale ju lutem. Jam 6 muajshe shtatzane

Dërguar nga Eni, më 13 Nentor 2020 në 03:31

Pershendetje Eni! Analizat infeksioze te kane dale mire. IgG pozitive tregojne qe i ke kaluar dhe aktualisht ne shtatzani nuk ka probleme.Te uroj nje shtatzani te mbare.

Përgjigje nga Dr. Ilda Ndreko, më 13 Nentor 2020 në 03:31

Jam ne javen e 8 te shtatzanis kam ber analizat dhe me kan dal CMV igg positiv dhe igm negativ. Po njelloj edhe toxo dhe rubella me igg pozitiv dhe igm negativ . Doja te dija nese eshte e mundur cfare rreziku ka sepse jam e shqetesuar

Dërguar nga Jurgena, më 14 Maj 2021 në 19:46

Pershendetje Jurgena! Te gjitha keto analizat me IgG qe jane pozitive tregojne qe ti e ke kaluar infeksionin dhe trupi ka krijuar imunitet kurse IgM qe kane dale negative tregojne qe nuk ke infeksionet perkatese aktualisht qe mund te ndikojne tek embrioni. Nuk ke rrezik per ndonje problem nga infeksionet e mesiperme ne kete shtatzani. Te uroj nje shtatzani te mbare.

Përgjigje nga Dr. Ilda Ndreko, më 14 Maj 2021 në 19:46
Sondazh

A do te kryenit një konsultë online me pagesë me një mjek?

Dergo voten