Miomektomia

<h1>Miomektomia</h1>

<h5>&Ccedil;farë është miomektomia?</h5>

<p>Miomektomia është termi i procedurës kirurgjikale që realizon heqjen e miomave uterine (të mitrës) duke ruajtur mitrës. Kjo procedurë mund të kryhet përmes kirurgjisë së hapur (laparotomia – hapja e barkut) ose përmes kirurgjisë së mbyllur (laparoskopia – që nuk kërkon hapjen e barkut apo histeroskopia). Histeroskopia përdoret në rastet kur miomat rriten apo proeminojnë në kavitetin uterin.</p>

<p>Zakonisht, miomektomia u rekomandohet femrave që kërkojnë të kenë fëmijë. Në rastet e miomave që plotësojnë kriteret për trajtim kirurgjikal, por që nuk dëshirojnë shtatzani apo janë në moshë shumë të avancuar, atëherë këshillohet histerektomia.</p>

<img src="artikuj/miomektomia/miomektomia_01.jpg" width="450" height="461" /><br /><br />

<h5>Karakteristikat e miomektomisë</h5>

<p>Miomektomia është një operacion që zgjat më shumë se histerektomia, dhe zakonisht ka më shumë hemorragji se kjo e fundit. Pacientet do të kenë dhimbje të konsiderueshme për 3-10 ditë pas operacionit.</p>

<p>Kuptohet që në rastin e miomektomisë laparoskopike, dhimbja post-operatore është më e reduktuar.</p>

<p>Në rastin e miomektomisë histeroskopike, dhimbja postoperatore është e papërfillshme.</p>

<h5>Sa i gjatë është hospitalizimi?</h5>

<p>Hospitalizimi varet nga fakti se si është kryer miomektomia: me laparoskopi apo me laparotomi.</p>
<ul>
	<li>Zakonisht, kur miomektomia kryhet me laparoskopi (kirurgji e mbyllur, pa hapje të barkut), hospitalizimi është vetëm 48 orë.</li>
	<li>Nqs miomektomia kryhet me hapje të barkut (laparotomi), atëherë hospitalizimi është më i gjatë, zakonisht 4-5 ditë.</li>
	<li>Kur miomektomia kryhet me histeroskopi, hospitalizimi është vetëm 24 orë.</li>
</ul>

<h5>Sa i gjatë është rikuperimi pa operacionit?</h5>

<p>Rikuperimi pas miomektomisë me laparotomi zakonisht kërkon 2 muaj. Vetëm pas një intervali të tillë këshillohet rikthimi në punë dhe në aktivitetin fizik që pacientja kishte përpara operacionit. Gjatë 6 muajve të para pas operacionit, nuk këshillohet ngritja e peshave për shkak se kirurgjia e hapur mund të komplikohet me hernie nqs aktiviteti fizik fillohet përpara kohe.</p>

<p>Rikuperimi është shumë më i shpejtë në rastin e miomektomisë me laparoskopi dhe nuk paraqet rreziqet e mësipërme.</p>

<h5>Efektet anësore dhe siguria e procedurës.</h5>
<p>Miomektomia duke qenë një procedurë kirurgjikale disi më invasive se procedurat e tjera kirurgjikale, mund të komplikohet disi më shpesh nga komplikacione të ndryshme. Ndër komplikacionet e mundshme përmendim:</p>

<ul>
	<li>Infeksionet e traktit urinar (vezikë urinare / veshkë).</li>
	<li>Infekksionet në nivelin e plagës.</li>
	<li>Trombozat e venave të thella – janë të shpeshta në kirurgjinë gjinekologjike. Bëhet fjalë për mpiksje të gjakut në brendësi të venave (zakonisht në këmbë) që rrezikojnë të përhapen drejt mushkërisë, zemrës etj.</li>
</ul>

<p>Në rastin e laparoskopisë dhe histeroskopisë këto rreziqe janë minimale.</p>

<p>Zakonisht, komplikacionet nuk kalojnë shifrën 10% të rasteve.</p>

<h5>Efektet afatgjata</h5>
<ol>
	<li>Miomektomia është shumë efikase në heqjen e miomave ekzistente, megjithatë ajo nuk mund të parandalojë shfaqjen e miomave të tjera në të ardhmen. Kjo do të thotë se nqs do të shfaqet ndonjë miomë tjetër, atëherë ju mund të keni nevojë për një tjetër operacion.</li>

	<li>Miomektomia mund të shkaktojë edhe aderenca (ngjitje) të organeve të brendshme të barkut (omentum, ovare apo zorë) mbi plagën e mitrës së krijuar nga heqja e miomës. Kjo mund të ndodhë në 25% të rasteve dhe pacientja mund të ankojë shumë kohë pas miomektomisë për dhimbje në fund të barkut, pavarësisht se ekografikisht nuk duket ndonjë problem.</li>

	<li>Nqs ndodh një shtatzani pas miomektomisë, atëherë lindja duhet të kryhet me operacion cezarian.</li>
</ol>

<h5>Efektet në fertilitet</h5>
<p>Në rastet kur miomat shkaktojnë infertilitet, miomektomia rrit shanset për një shtatzani dhe minimizon shanset për abort.</p>