Analiza e gjakut periferik.

Analiza e plotë e Gjakut Periferik është:

Gjak komplet + trombocit + retikulocit

Këtu përfshihen:

1. GJAKU KOMPLET

a) Seria e kuqe (eritrocitare)

• Eritrocitet (RBC).
• Hemoglobina.
• Konstantet eritrocitare (MCV, MCH, MCHC) kur hemograma bëhet me aparat.
• Hematokriti.
• Përshkrimi i serisë së kuqe (ngjyra, madhësia, forma e eritrociteve, granulacione).
• Retikulociti.

b) Sedimenti (Shpejtësia e precipitimit të eritrociteve )

c) Seria e bardhë (leukocitare)

• Leukocitet (WBC).
• Formula Leukocitare.
• Përshkrimi i serisë së bardhë (forma, përmasat, granulacionet).

2. SERIA TROMBOCITARE

• Trombocitet (Plt).
• Përshkrimi i serisë trombocitare (përmasat, granulat).

Sot analiza e gjakut periferik në shumicën e laboratorëve realizohet me anë të aparateve Cell Counter. Me rregullat e sotme të laboratoreve klinike që të marrësh analizën e plotë të gjakut duhet të shkruash:

1. Hemograma.
2. Përshkrimi i morfologjisë së serisë së kuqe (dhe i dy serive të tjera leukocitare dhe trombocitare).
3. Retikulociti.
4. Eritrosedimenti.
5. Formula leukocitare në strishon e gjakut periferik.
6. Trombociti i numëruar në strishon e gjakut periferik (numëri i saktë i trombociteve është ai i trombociteve të numëruar në strishon e gjakut periferik dhe nga një specialist).

Nëse shënohet "Gjak komplet + formulë", pacientit nuk i bëhen trombocitet dhe retikulocitet. Pra kjo mënyrë e të shkruarit për analizën e gjakut përiferik është e parregullt (formula leukocitare përfshihet brënda gjakut komplet).

Nëse analiza nuk është e plotë, shpeshherë hematologu është i detyruar ta dërgojë pacientin përsëri për të bërë analizën e gjakut (me kosto për pacientin dhe laboratorin).

Mjeku Hematolog nuk duhet të japi përgjigje qoftë dhe kur mungon një nga elementet e Analizës së Gjakut Periferik.