HBOT Tirana
Dërguar nga:

Kistet e vezores

Kistet janë qeskëza të mbushura me lëng brenda ose në sipërfaqe të vezores. Gruaja ka 2 vezore, secila prej tyre në madhësinë dhe formën e një bajameje, të vendosura në secilën anë të mitrës. Qeliza veze zhvillohet dhe piqet në vezore dhe çlirohet çdo muaj në mënyrë ciklike gjatë jetës riprodhuese. Shumica e grave bëhen me kiste të paktën një herë gjate jetës së tyre. Shumica e kisteve vezoriale paraqitin pak ose aspak diskomfort (jo rehati) dhe nuk janë të rrezikshme. Pjesa më e madhe e tyre zhduken pa trajtim në pak muaj.

Simptomat

Shumica e kisteve nuk japin simptoma, por nëse ka ato përfshijnë :

  • Çrregullime menstruale
  • Dhimbje Pelvike - një dhimbje konstante ose të herë pas hershme të bezdisshme dhe që përhapet në regjionin lumbar ose në kofshë.
  • Dhimbjet nisin para ciklit dhe mbarojnë me të.
  • Dhimbje të fundit të barkut gjatë marrëdhënieve seksuale
  • Dhimbje gjatë tranzitit të zorrëve apo shtypje te zorrët
  • Të përziera, të vjella, dhimbje të gjoksit, të ngjashme me ato të shtatzënisë.
  • Ndjenjë rëndese apo mbushjeje të barkut
  • Shtypje në zorrën e trashë apo në fshikëzën e urinës çka çon në urinim më të shpeshtë apo vështirësi në zbrazjen e plote të saj.
Kur duhet kërkuar ndihma mjekësore?
  • Në rast dhimbjeje të fundit të barkut të menjëhershme dhe të forta
  • Dhimbje të shoqëruar me ethe dhe të vjella
  • Kur ka shenja të shokut si p.sh : ftohje të trupit, shpeshtim të frymëmarrjes, dobësi, lëkurë e ftohte dhe e lagësht.
Shkaqet

Shumica e kisteve nisin me funksionimit normal të ciklit menstrual dhe quhen kiste funksionale.

Kistet funksionalë

Normalisht vezorja rrit çdo muaj një strukturë të ngjashme kistike që quhet folikul.

Folikuli prodhon estrogjenin dhe progesteronin dhe gjate ovulacionit çliron një ovocit (qelizë veze ) Ndonjëherë ky folikul qëllon që vazhdon të rritet dhe formon kistin folikular që mund të jete në dy tipe :

  • Kist follikular ndodh kur folikuli nuk çahet për të çliruar vezën por vazhdon dhe rritet duke u kthyer në kist.
  • Corpus luteum cyst. Kur folikuli e çliron vezën dhe folikuli i çarë nis të prodhojë sasi të madhe estrogjeni dhe progesteronin duke u përgatitur për konceptimin , duke u shndërruar në korpus luteum. Por ndonjëherë çarja e vezës mbyllet dhe likidi grumbullohet brenda foluklit duke e shndërruar në kist.

Kistet funksionale nuk janë të dëmshëm, rrallë japin dhimbje dhe mund të zhduken pa mjekim brenda 2apo 3 ciklesh menstrual.

Të tjerë kiste jo te lidhur me funksionin normal menstrual

  • Kistet Dermoid: Këto Kiste mund të përmbajnë flok, lëkurë apo dhemb rralle janë kanceroz.
  • Cystadenomas. Këto Kiste marrin origjinën nga indi vezorial dhe mund të jenë të mbushur me likid ujor ose mukinoz.
  • Endometriomas. Zhvillohen si rezultat i endometriozes, gjatë së cilës qeliza endomtriale vendosën jashtë mitrës. Këto mund të ngjiten në vezore dhe të japin rritje (torsion).
Komplikacionet
  • Torsioni i vezores: Kistet dermoid dhe kistadenomat mund të zmadhohen dhe të ndryshojnë vendndodhjen e tyre të zakonshme çka do të çoj në dhimbje apo përdredhje të vezorës.
  • Ruptura: Kisti që çahet mund të japi dhimbje të forte dhe hemorragji të brendshme.
  • Kistet pas menopauzes mund të pësojnë shndërrim kanceroz çka kërkon ndjekje të rregullt.
Testet dhe diagnoza

Prania e një kisti mund të shihet gjatë ekzaminimit pelqvik. Nëse dyshohet prania e tij atëherë bëhen teste të tjera për të përcaktuar tipin dhe nevojën për trajtim. Të rëndësishme për mjekun janë të dhënat si :

  • Madhësia
  • Përbërja: është i mbushur me likid, përmbajtje të fortë apo e përzierje.
  • Prania e ndarëseve apo septumeve të brendshëm
  • Qarkullimin i gjakut përreth apo në brendësi

Për të përcaktuar tipin e kistit nevojiten këto procedura :

  • Testi i shtatzënisë: Një test pozitiv tregon që kisti është korpus luteum i cili zhvillohet pasi çahet folikuli dhe çliron vezën.
  • Ekografi pelvike. Kjo është një procedure e padhembshme me anë të një sonde që dërgon dhe merr vale sonike me frekuencë të lartë duke dhëne imazhin ne ekran. Kjo mund të bëhet me sonde transabdominale ose tranvaginale:

Nëpërmjet ekografisë përcaktohet prania e kistit, madhësia, përbërja dhe vendndodhja.

 

Me interes paraqitet përdorimi i ekografise 3D & 4D me saktësinë që japin në dhënien e diagnozës.

 

Rezonanca magnetike: ndihmon në saktësimin e diagnozës.

- Laparoscopi. Është ndërhyrje mini-invazive nëpërmjet përdorimit të tre apo 4 sondave bën evidentimin e kistit si dhe heqjen e tij me rrugën më të sigurt dhe me më pak komplikacione.

- Dozimi i CA 125 që është një proteinë e cila rritet zakonisht në gratë me kancer të vezores, por mund të gjendet në vlera mbinormale në gjendje jo knaceroze si endomtrioza, fibromiomat apo sëmundje inflamatore pelvike. Në varësi të përbërjes së tumorit mund të përdoren dhe markues të tjerë sikur CA-72-4, CA-19-9 dhe CEA.

Trajtimi

Trajtimi varet nga mosha , tipi, përmasat e Kistit dhe sipmtomat shoqëruese të tij:

  • Pritja e kujdesshme, në shumë raste mund të pritet dhe të rishihet Kisti pas disa muaj nëse është i pranishëm apo jo, nëse nuk ka simptoma dhe në ekografi shihet një Kist i vogël me likuid.
  • Përdorimi i kontraceptiveve oral për të ulur shancin që kiste të rinj të zhvillohen në ciklet menstrual pasardhës, duke ulur shume dhe shanset për kancer të vezores

Ndërhyrjet kirurgjikale :

Nëse kisti është i madh, nëse persiston (qëndron) mbi 3 cikle dhe nëse japin dhimbje apo simptoma të tjera. Një pjesë e Kisteve mund të hiqen pa hequr vezoren dhe procedura quehet cistectomy.

Në disa raste mund të hiqet bashke me kistin edhe vezorja dhe procedura quhet oforectomy.

Ndërhyrja mund të behet me rruge abdominale, të hapur apo me laparoskopi ose me rruge transvaginale.

Por nëse masa kistike është kanceroze mund të nevojitet heqja e mitrës së bashku me vezoret.

Parandalimi

Megjithëse nuk ka një mënyre të përcaktuar për të parandaluar rritjen e kisteve, ajo çka ndihmon në vendosjen e hershme të diagnozës është kryerja e ekzaminimeve pelvike të rregullta si dhe kujdesi në shfaqjen e simptomave karakteristike.

Ky artikull është dërguar nga:
Ky artikull është lexuar 24208 herë.
Artikuj të tjerë ne specialitetin Gjinekologji
Komente nga lexuesit

kam probleme me mitren kam ciste ne miter kam ber kontrolle shum her po nuk kam permiresime ka perdor ilace kam marrje mendesh te vjella dhimbje dhe fryrje barku ju lutem me ktheni nje pergjigjje flm per mir kuptimin

Dërguar nga drita, më 18 Maj 2014 në 11:08

Pershendetje Kam prb me mitren mjeket thon qe ke kist n miter ..kam marr mjekime dhe x nhe koh brenda 1 muajsh u sherova por shqetesime t njejta po m ndodhin prap cfr m keshillloni ju... flm

Dërguar nga kristina, më 21 Qershor 2016 në 02:51

Mirembrema Kristina .Nese keni kiste ne vezore , ato jane te llojeve te ndryshme, te permasave , perbeje te ndryshme .Ne varesi dhe te shqetesimeve qe sjellin , behet edhe mjekimi .Shpesh here ato mund te rishfaqen , dhe kane nevoje te mjekohen perseri. Ne miter zakonisht shfaqen miomat dhe nese jane e ketilla , atehere ato nuk mjekohen , duhet vetem te hiqen .

Përgjigje nga Kozeta Mustafaraj, më 27 Tetor 2016 në 02:51

E nderuar Doktoreshe,shpesh herë kam fryrje te barkut dhe dhimbje te barkut gjate kryerjes se mardhenies me bashkëshortin.Dhimbje te menjëhershme (therje te fundit te barkut) kam shpesh here.Jam vizituar tek gjinekologia e qytetit por me ka thene qe skam asnje problem.Ne te vertete dhimbjet me vazhdojnë akoma.

Dërguar nga vanesa, më 15 Shtator 2016 në 10:24

Pershendetje Vanesa ! Dhimbjet ne fundin e barkut gjate marrdhenieve mund te vijne per shume arsye ! Pervec shkaktarev me origjine nga aparati genital , te cilin mjekja juaj e ka perjashtuar , shpesh probleme te zorreve , te kequsyerjes ,te perthithjes se ushqimeve , apo cregullime te aparatit urinar mund te jene pergjegjes.Ne raste te ketilla te keshillohet te beni nje vizite tek mjeku gastro-enterolog , dhe me pas tek mjeku nefrolog .

Përgjigje nga Kozeta Mustafaraj, më 27 Tetor 2016 në 10:24

Pershendetje Doktoresh kam kiste ne vezore dhe cregullim cikli doktori me ka rekomanduar nji ilac Diane35 nk e di nqs do jet i duhuri per mua jm vtm 20 vjece

Dërguar nga Klea, më 03 Nentor 2016 në 14:39

Percaktimi i llojit te kontraceptivit varet nga struktura e vezores dhe nga profili homonal .Perkete arsye i vetmi qe mund te gjykoj eshte mjeku qe ju ndjek . Une nuk jam ne gjendje te jap ndonje mendim .

Përgjigje nga 0 Kozeta Mustafaraj, më 06 Nentor 2016 në 14:39

Ndonjeher ne gjume perjetoi orgazmen ,me ka ndodhur kur ne enderr kisha mardhenje me bashkeshortin dhe perjetova orgazmen gje qe pata shtangime ne pjesen e fundit te barkut si dhe vezoreve zgjati dikund 10 minuta ky shtangim,ashtu ndjeja therrje ne vezore dhe kofshe, qka mund te jet kjo ? Ju lutem me pergjigjeni sa me shpejt

Dërguar nga Linda, më 17 Nentor 2016 në 05:08

Miredita .Nese kjo ndodh , rralle mos u shqeteso.Por nese keto shkarkesa jane te shpeshta , atehere te duhet te besh nje kontroll tek mjeku gjinekolog per te perjashtuar semundje te ndryshme . Dite e mire!

Përgjigje nga 0 Kozeta Mustafaraj, më 17 Nentor 2016 në 05:08

Pershendetje!kam nje kist vezor ne permasa 4 cm,gjinekologia ime dyshon per nje kist me hemoragji,jam e shqetsuar te di nese kjo gje do te ndikoje per ngjizjen e nje shtazanie dhe cfare rezikshmerie ka,theksoj jam 26 vjece.Faleminderit

Dërguar nga Malvina, më 17 Nentor 2016 në 17:31

Pershendetje! Duke u nisur nga permasat , kisti nuk eshte i rrezikshem. Ndersa persa i perket perberjes , duhet ndjekur me kujdes. Ne pergjithesi nuk ka rrezik te madh per te mbetjen shtatezane , prandaj mos u shqeteso .

Përgjigje nga 0 Kozeta Mustafaraj, më 18 Nentor 2016 në 17:31

Mirembrema! Kam nje kist entometriome ne vezore (rreth 5 cm;)a mund te kem shpresa per shtatezani pa e hequr?ju falenderoj paraprakisht

Dërguar nga Stela, më 24 Nentor 2016 në 10:57

Sigurisht qe mund te mbetesh shtatezane edhe me nje kist endometriom .Pavaresisht faktit qe prania e ketij lloj kisti flet per semundjen endometrioz e cila eshte e vertetuar qe ul fertilitetin femeror. Dite te mbare!

Përgjigje nga 0 Kozeta Mustafaraj, më 25 Nentor 2016 në 10:57

Pershendetje! Ne maj bera eco dhe rezultoi qe kisha tre kiste me permasa te ndryshme, me I madhi ishte 3 cm. Nuk mora mjekim. Para dy javesh perserita econ dhe rezultoi qe permasat kishin ndryshuar e kisti 3 cm ishte 5 cm. Doktori familjar me sygjeroi vizite tek gjenekologu dhe derisa te shoh gjenekologun me sygjeroi te marr "birth control". A eshte nje zgjedhje e duhur te pi birth control deri ne Janar qe kam viziten tek gjenekologu? A ndihmojne birth control ne zvogelim te kisteve?Ne qofte se cahen cfare komplikacione japin? Gjithashtu kam dhimbje dhe ndjesi sikur dicka do pelcase nga momenti ne moment ne fund te barkut para ciklit menstrual. Gjithashtu get perziera, marje mendsh dhe dhimbje Koke. Ju lutem doktoreshe me jep nje keshille, pasi jam shume e shqetesuar dhe jetoj jashte vendit.

Dërguar nga Jola, më 01 Dhjetor 2016 në 20:34

Pershendetje .Mjekimi qe ju eshte keshilluar eshte shume i rregullt .Nese keni dhimbje shkoni paraqituni ne urgjencen e spitalit dhe beni nje kontroll me te detajuar .

Përgjigje nga Dr. Kozeta Mustafaraj, më 02 Dhjetor 2016 në 20:34

Pershendetje jam nje vajz 17 vjecare dhe kam nje kist ne vezore 7cm Gjinekologu me ka then te perdor kontraceptiv Femidon per trre muaj A esht e keshilueshme qe nje vajz ne moshen time ti perdor kontraceptivet dhe a kan efekte anesore si psh mos lindja e femijve?

Dërguar nga Ema, më 02 Dhjetor 2016 në 09:05

Pershendetje ! Sigurisht qe mund ti perdoresh ,nese nuk do qe te komplikohet apo te operohesh.Sa per femijet , ti rritu njehere , pastaj flasim per femije . Ka shume arsye perse nje njeri mund te mos mbetet me barre.

Përgjigje nga Dr. Kozeta Mustafaraj, më 02 Dhjetor 2016 në 09:05

Pershendetje Doktoresha Pas nje oborti spontan (fetus i pa zhvilluar) ne mars te ketij viti dhe analizave te shumta u kurova dhe per tiroiden nivelin e tsh e stabilizova ne normen 3.1. Gjate muajit tetor tentova per shtatezani me mendimin se gjerat ishin normalizuar poor gjate nentorit ne pritje te ciklit i cili nuk vinte me nje vonese 12 ditore dhe testi i shtatezani ishte negativ bera nje eko ne te cilin rezultuan disa kiste te vogla Doktori me sugjeroj te perdorja Duphostan per 5 dite. Pas 5 ditesh perdorim dhe 5 dite pritje te ciklit qe nuk erdhi shkova serisht per eko ne te cilen doli nje kist i rritur ne 4 cm. Nga sot do te fillon kontraceptivin ditor per 28 dite per 3 muaj per te pare si do shkojne gjerat. Jam paksa ne merak doktoresha mendoni se kjo eshte forma e duhur theksoj se kan kaluar 15 dite nga dita qe une prisja ciklin kjo vonese sme ka ndodhur ndonjeher. Ju faleminderit

Dërguar nga Ani, më 02 Dhjetor 2016 në 15:15

Pershendetje .Nese ka cregullime te ciklit , dhe formim te kisteve , menyra me e mire per tu kuruar eshte perdorimi i kontraceptiveve.Sidoqofte , nje kist 4 cm nuk eshte problematik. Une mendoj nese ti nuk ke urgjence per te mbetur shtatezane mund ti perdoresh kontraceptivet per 3 muaj , ne te kundert mos i po dhe mundohu te jesh e qete qe te rregullhet vete cikli .

Përgjigje nga Dr. Kozeta Mustafaraj, më 03 Dhjetor 2016 në 15:15

Pershendetje doktoreshe,ne radhe te pare ju falenderoj per pergj e kthyera te shpejta .Une kam bere operim ne vezore pasi kisha nje kiste me permasa rreth 6 cm ,cikli im eshte crregulluar komplet,pa pire pilula nuk me vjen.A eshte e mundur te rregullohet cikli tani pas operimit? Dhe a ka mundesi te zhvillohet perseri?

Dërguar nga Valmira, më 07 Dhjetor 2016 në 02:55

Pershendetje ! Ardhja e ciklit varet nga balanca hormonale .Nese gjendja e hormoneve ne trupin tuaj eshte normale , atehere edhe cikli rregullohet . Perseritja e kistit eshte e mundur , me kalimin e kohes .per kete arsye duhet te beni kontrollet periodik tek mjeku .

Përgjigje nga Dr. Kozeta Mustafaraj, më 09 Dhjetor 2016 në 02:55

Doktoresh un kam vuarjtur nga kistet dhe jam trajtuar ne Shqiperi dhe jasht shtetit por pyetja Ime per ju esht ..jam nje vajz 18 vjec dhe dua te di a ndikojn kistet ne mosngeljen shtatezan...kuptoni a ekziston mundesia te mos ngelesh shtatezane nga kistet..faleminderit

Dërguar nga Migena, më 09 Dhjetor 2016 në 05:48

Miredita ! Kistet jane te natyrave te ndryshme, ne permsa dhe permbatje te ndryshme , dhe si rrjedhim edhe pasojat jane te ndryshme ! Ndaj nuk mund te parathuhet nese do te mbetesh shtatezane apo jo .Nje informacion me te sakte mund t jua japi mjeku qe ju ndjek dhe di historine e semundjes !

Përgjigje nga Dr. Kozeta Mustafaraj, më 09 Dhjetor 2016 në 05:48

Mbr doktoreshe kozeta. Un kam vite aë vuaj nga kisti .kam bllokim cikli kam marrje mendsh dhimbje gjoksi fryrje barku. Kam 8 vjete lidhje mundohem për të ngelur shtatzanë por asnjë rezultat.cfar kure me keshilloni kam ber shum vizita si jashtë shqiperis dhe brenda shqipëris por asnjë rezultat burri im nuk ka problem vetem une jam nuk ruhemi . Me thoni ju lutem flm

Dërguar nga marina , më 14 Dhjetor 2016 në 12:32

Pershendetje Marina .Nese ke crregullime te ciklit , dhe kiste , eshte e veshtire te mbetesh me barre.Nese nje grua nuk mbetet me barre ne menyre natyrale , eshte ceshtje veshtire dhe nuk mund te zgjidhet me keshilla me mesazhe .Ju duhet te lidheni me nje mjek te mire qe te mund zgjidhesh problemet e permendura .

Përgjigje nga Dr. Kozeta Mustafaraj, më 17 Dhjetor 2016 në 12:32

pershendetje doktoresha jam vesna dhe kam bere nje eko dhe me kane thene qe kam kist jam vetem 20 vjec dhe me ane dhene keto ilace buskolamin dhe kinox dhe me thane qe te beja dhe nje vizit te gjinekologia cfare me sugjeron

Dërguar nga vesna, më 15 Dhjetor 2016 në 04:58

Pershendjetje Vesna .Mjekimi qe ke marr nuk eshte per kistin por per probleme te tjera.Per te zgjidhur ceshtjen duhet te kontrollohesh patjeter tek mjeku gjinekolog .

Përgjigje nga Dr. Kozeta Mustafaraj, më 17 Dhjetor 2016 në 04:58

pershendetje DR.Kozeta un jam nje 21 vjecar dhe am bere dje nje vizit te spitali i traumes te urgjenca ngaqe kisha dhimbje ne fund te barkut ne krah te djathte dhe me bene nje eko dhe me dhane ca ilace sepse mthane qe ke kist ,,mua gjithshtu me thane qe te shkoja te gjinekologia se nuk i dihet mund te me jepni nje mendim ju lutem

Dërguar nga xhesilda, më 15 Dhjetor 2016 në 05:13

Pershendtje Xhesilda ! Mjekimin e marr ne urgjence e keni patur per dhimbjet.Ju duhet te shkoni tek mjeku gjinekolog per te trajtuar kistin!

Përgjigje nga Dr. Kozeta Mustafaraj, më 17 Dhjetor 2016 në 05:13

Pershendetje doktoresh jam nje vajz 23 vjeçe kam kist ne vezore 4 cm dhe kam pir jasemin dhe nuk kam ndonje ndryshim.kam dhimbje ne fund tr barkut se sa her me vjen cikli kisti mbushet me gjak.perveç ilaçeve a perthahet kisti ne qoftes ngel shtatzan.

Dërguar nga Anxhela droboniku, më 17 Dhjetor 2016 në 05:42

Anxhela, nese kisti eshte me gjak eshte veshtire te mjekohet me hormone .Mund ta mbash nen kontroll , por veshtire ta sherosh .Shtatezane mund te mbetesh edhe po te kesh cist, nuk eshte e thene qe kur ke kist s ben dot femije. Ndaj mundohu te jesh e qete ,

Përgjigje nga Dr. Kozeta Mustafaraj, më 17 Dhjetor 2016 në 05:42

Doktoresh jam ajo goca qe kisha kist ne vezore me e mira per ta heq kush eshr operacioni apo shtatzania.

Dërguar nga Anxhela droboniku, më 20 Dhjetor 2016 në 06:48

Pershendetje Anxhela.Kete nuk di ta them , pasi kistet jane te ndryshem ne permasa , permbajtje dhe sjellje .Mjeku qe ju ka pare mund t ju japi pergjigje .

Përgjigje nga Dr. Kozeta Mustafaraj, më 25 Dhjetor 2016 në 06:48

Pershendetje doktoresh jam nje vajz 22 vjeqe. Ne anen e djatht ne fillim te vagines kam 1 si.lloje kokerre dashta te keshillohem me ty.

Dërguar nga Dija, më 24 Dhjetor 2016 në 10:08

Pershendetje Dija. E vetmja menyre per te shpjeguar apo kuruar problemin qe ke eshte duke u vizituar .Pra te duhet te besh kontroll gjinekologjik ku te kesh deshire qe te maresh diagnozen .

Përgjigje nga Dr. Kozeta Mustafaraj, më 25 Dhjetor 2016 në 10:08

Para 1 jave kisha dhimbje barku te forta bera analizat te gjitha ne urgjence edhe dola me kistin cokollate sic quhet ndryshe,kam mar femoden per rreth 1 jave por gjinekologu me tha qe me shume mundesi do kryej nje nderhyrje kirurgjikale pasi kisti ne vezore eshte rreth 7 cm...Doja te dija nese kryerja e marredhenieve seksule shkaktojne ndonje problem para se te kryej operacionin?Ndikojne ne ndonje komplikacion te kistit?

Dërguar nga evi, më 02 Janar 2017 në 07:48

PershendetjeEvi.Nese ke dhimbje te barkut do te ishte mire te ishe e kujdesshme , dmth mos ngri pesha , mos u sforco shume , nese ke deshire te kryesh marrdhenie mund ti kesh , por te kujdeshme . Nese eshte cist cokollate do te ishte mire te marresh mjekimin dhe nese duhet , te besh operacion.

Përgjigje nga Dr. Kozeta Mustafaraj, më 10 Janar 2017 në 07:48

Pershendetje doktoresh kam nje jav qe ka tentuar per shtatzani.per sa koje mund te behet testi.dhe kam dhimbje mbrapa shpine kapsllek dhe dhimbje stomaku dhe kam bllokim.a mund te jen kto shenja per shtatzani

Dërguar nga Anxhela droboniku, më 09 Janar 2017 në 15:10

Miredita Anxhela . Keto nuk jane shenja te shtatezanise .Te duhet te presesh se paku 2 jave qe te besh nje analize gjaku per te pare nese je apo jo shtzatezane.

Përgjigje nga Dr. Kozeta Mustafaraj, më 10 Janar 2017 në 15:10

Pershendetje jam 24 vjeqare kam ngel shtatzan jasht anit njern kana djatht kom toperun a mund te ngesh shtatzan ne nje kanal kurse vezoret kam dyat

Dërguar nga Kaltrina, më 11 Janar 2017 në 16:35

Pershendetje Kaltrina! Sigurisht qe mund te mbetesh shtatezane , nese ke kanalin e lire dhe vezorja jote pjek mire .

Përgjigje nga Dr. Kozeta Mustafaraj, më 19 Janar 2017 në 16:35

Pershendetje,jam 19 vjecare dhe kisha nje cost 5 cm tani kir bera nje kontrolle me than qe cista me eshte zhdukur,dua ta di cka te perdor qe mos tme shfaqen me cistat..faleminderit

Dërguar nga Bina, më 17 Janar 2017 në 01:41

Pershendetje Bina!Se pari duhet te besh nje jete te shendetshme , te ushqehesh mire,mos pi duhan , aklol , merru me sport . Dhe duhet te kontrollohesh me shpesh tek mjeku .Diten e mire!

Përgjigje nga Dr. Kozeta Mustafaraj, më 18 Janar 2017 në 01:41
Mjekesia Hiberbarike Tirane
Artikuj të rinj
Mjekët e shtuar së fundmi
Mjeket sipas specialitetit
Komentet e fundit
Sondazh

A mendoni se mjeket ne Shqiperi jane te kualifikuar aq sa duhet?

Dergo voten